स्याङ्जाका १० सङ्क्रमित भारतबाट आई क्वारेन्टाइनमा बसेका थिए

कोरोनाको महामारी फैलिरहदाँ स्याङ्जामा एकै पटक १० जना कोरोना सङ्क्रमित थपिएका छन् । यहाँको वालिङ नगरपालिका घर भई पालिकाकै क्वारेन्टाइनमा आठ जना र हरिनास गाँउपालिकाका घर भई पालिकाकै क्वारेन्टाइनमा बस्दैआएका दुई जनामा कोरोना सङ्क्रमण पुष्टि भएको हो । सङ्क्रमित पुष्टि हुनेहरू जेठ १८ गते स्वाब लिएका वालिङका १६, १९, २३, २५, ३२, ४४, ५२ र ५४ बर्ष उमेरका पुरुषहरू रहेका छन् भने हरिनास गाउँपालिकाका १८ र ४० वर्ष उमेरका पुरुषहरू...

भारतबाट आई क्वारेन्टाइनमा बसेका ६५ वर्षीयको मृत्यु

खप्तड छेडेदह गाउँपालिका–७ मा क्वारेन्टाइनमा बसेका एक जनाको मृत्यु भएको छ । यही जेठ १५ गते भारतबाट आएर क्वारेन्टाइनमा बसेका ६५ वर्षीयकाे मृत्यु भएको हो । गाउँमै रहेको मष्टा आधारभूत विद्यालय बूढाबाडाको क्वारेन्टाइनमा उहाँको मृत्यु भएको वडाध्यक्ष खगेन्द्र रावतले जानकारी दिनुभयो ।    

कर्णालीका सात जना कोरोना जितेर घर फिर्ता

कर्णाली प्रदेशका सात जना कोरोना सङ्क्रमित उपचारपश्चात् शुक्रबार घर फर्केका छन् । कर्णाली प्रदेशमा अस्पताल सुर्खेतमा उपचार गराइरहेका उनीहरु कोरोना जितेर घर फर्केका हुन् । पुनः परीक्षणपश्चात कोरोना भाइरसको रिपोर्ट नेगेटिभ आएपछि उनीहरुलाई घर फर्काइएको कर्णाली प्रदेश अस्पताल सुर्खेतका कोरोना रोग सम्पर्क व्यक्ति डा केएन पौडेलले जानकारी दिनुभयो । कोरोना रोग निको भएर घर फर्कनेमा दैलेख महाबु गाउँपालिकाका एक र छ जना...

१९ स्वास्थ्यकर्मी क्वारेन्टाइनमा

जिल्ला अस्पताल बैतडीको सेवा तीन दिनदेखि प्रभावित भएको छ । अस्पतालमा सुत्केरी भएकी एक महिलाको आरडिटी पाेजिटिभ आएपछि ती महिलाको सम्पर्कमा रहेका १९ स्वास्थ्यकर्मीलाई सेल्फ क्वारेन्टाइनमा राखिएपछि सेवा प्रभावित भएको हो ।

पहिरोले भीमफेदी–कुलेखानी सडक अवरुद्ध

शुक्रबार बिहानैदेखि परिरहेको वर्षाका कारण पहिरो जाँदा हेटौँडादेखि काठमाडौँ जोड्ने सडकखण्ड अवरुद्ध भएको इलाका प्रहरी कार्यालय भीमफेदीले जनाएको छ ।