प्रदेश नं २ मा कोभिड–१९ सङ्क्रमण एक हजार

दिनहुँ सङ्क्रमण बढ्दै गएपछि प्रदेश–२ मा कोभिड–१९ सङ्क्रमण हुनेको सङ्ख्या एक हजारको हाराहारी पुग्न लागेको छ । बिहीबार थप १०२ जनामा सङ्क्रमण पुष्टि भएपछि यहाँ सङ्क्रमितको सङ्ख्या अहिले ९६१ पुगेको प्रदेश नं २ स्वास्थ्य निर्देशनालय जनकपुरधामले पुष्टि गरेको छ ।

आरडिटी नेगेटिभ देखिएको युवामा पीसीआरमा कोरोना सङ्क्रमणको पुष्टी

बझाङमा आरडिटी नेगेटिभ देखिएको एक जना युवामा कोराना संक्रमणको पुष्टि भएको छ । जेठको दोस्रो साता भारतको दिल्लीबाट आएर क्वारेन्टाइनमा बसिरहेका बित्थडचिर गाउँपालिका –७ का एक २६ वर्षका युवकमा कोराना सङ्क्रमण पुष्टि भएको हो ।

प्रदेश नं १ बाट ३० कोरोना सङ्क्रमित घर फिर्ता

प्रदेश नं १ बाट ३० कोभिड–१९ सङ्क्रमित निको भइ घर फर्केका छन् । कोशी अस्पताल कोभिड–१९ उपचार केन्द्र विराटनगरमा उपचारार्थ २७ र बिपी कोइराला स्वास्थ्य विज्ञान प्रतिष्ठान धरानमा रहेका तीन जना निको भइ बिहीबार अपराह्न घर फर्केका सामाजिक विकासमन्त्री जीवन घिमिरेले बताउनुभयो । निको भइ घर फर्केनेको सङ्ख्या ७८ पुगेको छ ।

जुम्लामा क्वारेन्टाइनमा बसेका एक जनाको मृत्यु

जुम्लामा क्वारेन्टाइनमा बसेका एक व्यक्तिको मृत्यु भएको छ । चन्दननाथ नगरपालिका वडा नं ८ धुपी ढुस्का माध्यामिक विद्यालय तलिउममा क्वारेन्टाइनमा रहेका व्यक्तिको मृत्यु भएको खबर आएको जिल्ला प्रहरी कार्यालय जुम्लाका प्रहरी नायब उपरीक्षक लालबहादुर धामीले जानकारी दिनुभयो ।

बन्दाबन्दीमै पुस्तक ढुवानी

नयाँ शैक्षिकसत्रका लागि पाठ्यपुस्तक जिल्ला भित्रिएको छ । कोरोना भाइरसको जोखिम र नियन्त्रणका लागि गरिएको बन्दाबन्दीका बीच पुस्तक ढुवानी भइरहेको छ । शिक्षा मन्त्रालयले लकडाउनको अवस्थामा असार १ गतेदेखि वैकल्पिक व्यवस्था गरेर पठनपाठन गराउन निर्देशिका जारी गरेसँगै म्याग्दीका विद्यालयले विद्यार्थीलाई स्वअध्ययन गराउने तयारीमा जुटेका छन् । विद्यार्थीलाई नयाँ पाठ्यपुस्तक उपलब्ध गराएर विद्यालय नखुले पनि घरमै बसेर...