दैलेखका १०५ र मुगुका एक गरी १०६ जनामा सङ्क्रमण पुष्टि

कर्णाली स्वास्थ्य विज्ञान प्रतिष्ठान शिक्षण अस्पताल, जुम्लामा गरिएको पछिल्लो कोरोना परीक्षणमा थप १०६ जनामा सङ्क्रमण देखिएका छ । प्रतिष्ठानको प्रयोगशाला विभागले प्रकाशन गरेको नतिजा अनुसार दैलेखमा १०५ जनामा सङ्क्रमण देखिएकाे छ । मुगुमा पनि एक जनामा काेराेना सङ्क्रमण भएकाे छ । 

दार्चुलाका एक हजार ५२८ जना क्वारेन्टाइनमा

दार्चुलाका नौ वटै स्थानीय तहमा गरी एक हजार ५२८ जना क्वारेन्टाइनमा रहेका छन् । भारतका विभिन्न सहरका साथै जिल्लाबाहिरबाट आउनेहरूको सङ्ख्या ह्वात्तै बढेपछि सबै स्थानीय तहका क्वारेन्टाइन भरिएका छन् ।

अछामका सङ्क्रमितकाे सम्पर्कका ३० जनामा कोरोना देखिएन

कोरोना सङ्क्रमितको सम्पर्कमाआएका अछामका ३० जनामा सङ्क्रमण नभएको नतिजा आएको छ । कोरोना सङ्क्रमणकाे आशङ्कामा थ्रोट स्वाब सङ्कलन गरी धनगढी पठाइएकोमा पीसीआर परीक्षणमा सबैको रिपोर्ट नेगेटिभ आएको बताइएको छ ।

कोशी अस्पतालमा २७ जना सङ्क्रमणमुक्त, केहीबेरमा बिदाइ गरिँदै

विराटनगरस्थित कोशी कोभिड–१९ उपचार केन्द्रबाट २८ जना कोरोनामुक्त भएका छन् । दोस्रो परीक्षणमा कोरोना भाइरस (कोभिड–१९) नेगेटिभ देखिएपछि उनीहरूलाई डिस्चार्जको लागि चिकित्सकले सिफारिस गरेका हुन् ।

क्वारेन्टाइनस्थलमै माइकिङमार्फत जनचेतना जगाउँदै सुरक्षा प्रमुखहरू

जिल्ला स्तरीय सुरक्षा समितिले राजमार्ग क्षेत्रका क्वारेन्टाइनको अनुगमनसहित कोरोना भाइरस रोकथाम विषयमा जनचेतना दिँदै हिँडेको छ । प्रमुख जिल्ला अधिकारी भूपेन्द्र थापा, प्रहरी नायब निरीक्षक लालबहादुर धामी, सशस्त्र प्रहरी उपरीक्षक गगन श्रेष्ठ, नेपाली सेनासहित सबै सुरक्षा निकायको टोलीले क्वारेन्टाइनको अनुगमन तथा जनचेतना जगाउने काम गरिरहेको हो ।