राष्ट्रिय स्लो डान्स च्याम्पियनसिपमा कोहलपुरका पोखरेल प्रथम

सिराज खान
नेपालगञ्ज, माघ २५ गते । बाँकेको नेपालगञ्जमा आयोजना गरिएको राष्ट्रिय स्लो डान्स च्याम्पियनसिपमा कोहलपुरकै प्रभात पोखरेल प्रथम भएका छन् ।
जस्ट फिल दि डी डान्स एकेडेमी कोहलपुरले नेपालगञ्जमा आयोजना गरेको ‘किङ्ग मञ्च नेशनल लेभल स्लो डान्स च्याम्पियनसिप’मा पोखरेल प्रथम भएका हुन् ।
पोखरेलले प्रथम स्थान प्राप्त गरेसँगै ७५ हजार नगद पुरस्कार, ट्रफी र प्रमाणपत्र पनि पाएका छन् ।
प्रतियोगितामा कैलाली टीकापुरका रोयल दीपेश दोस्रो र विराटनगरका सिद्धार्थ शाही तेस्रो भएका छन् । दोस्रो र तेस्रो हुनेले क्रमशः ४० हजार र २५ हजार रुपियाँ नगद पाए ।
सबरिना गुरुङ निर्णायक रहेको सो प्रतियोगितामा देशभरबाट २७ जना डान्सरहरु सहभागी भएको आयोजक संस्था जस्ट फिल दि डी डान्स एकेडेमी कोहलपुरका अध्यक्ष किशोर हमाल ठकुरीले बताउनुभयो ।
उहाँले पहिलो पटक आयोजना गरिएको सो प्रतियोगितामा देशभरबाटै भएको सहभागिताले आफुहरुको उत्साह बढाएको जनाउँदै अब यस प्रकारको प्रतियोगितालाई हरेक वर्ष आयोजना गरिने बताउनुभयो ।