त्रिदेशीय कप खेल्न मलेसिया क्रिकेट टोली काठमाडौं आइपुग्यो

गोरखापत्र अनलाइन
काठमाडौं, चैत ३१ गते । त्रिदेशीय कप क्रिकेट प्रतियोगिता खेल्न मलेसिया क्रिकेट टोली काठमाडौं आइपुगेको छ । मलेसिया क्रिकेट टोलीको १९ सदस्यीय टोली मंगलबार अपरान्ह त्रिभुवन अन्तर्राष्ट्रिय विमानस्थल, काठमाडौंमा अवतरण गरेको हो । विमानस्थलमा अवतरणपछिको तस्विर नेपाल क्रिकेट संघले साझा गरेको छ । तस्विरमा मलेसिया क्रिकेट टोलीका सदस्य कोभिड १९ विरुद्धको स्वास्थ्य सुरक्षा मापदण्डको पालना गरेको देखिएको छ ।
नेपाल क्रिकेट संघ(क्यान)का अनुसार क्यानका अधिकारीहरुले मलेसिया क्रिकेट टोलीलाई विमानस्थलमा स्वागत गरेपछि टोली होटेलका लागि प्रस्थान गरेको छ । त्रिदेशीय कप क्रिकेट प्रतियोगिता खेल्न मंगलबार मध्यान्ह नेदरल्याण्ड्स क्रिकेट टोली पनि काठमाडौं आइपुगेको थियो ।
प्रतियोगिता अन्तर्गतकाे आफ्नो पहिलो खेलमा मलेसियाले नेदरल्याण्ड्सको सामना गर्नेछ । उक्त खेल कीर्तिपुरस्थित त्रिवि क्रिकेट ग्राउन्डमा खेलाइनेछ ।