निरन्तर हारको जिम्मेवारी लिन्छु : मार्क बाउचर

गोरखापत्र अनलाइन
काठमाडौं, बैशाख ५ गते । प्रमुख प्रशिक्षक मार्क बाउचरले दक्षिण अफ्रिकी क्रिकेट टोलिको हारको जिम्मेवारी स्वीकार्नुभएको छ । दक्षिण अफ्रिकाले पछिल्लो एघारमध्ये आठ अन्तर्राष्ट्रिय क्रिकेट श्रृखंला गुमाएको छ। अफ्रिकी क्रिकेट टोलीको प्रदर्शनलाई लिएर तीब्र आलोचना भइरहँदा प्रमुख प्रशिक्षक बाउचरले हारको जिम्मेवारी स्वीकार गर्नुभएको हो ।
पछिल्लो पटक दक्षिण अफ्रिकाले घरेलु मैदानमा पाकिस्तान बिरुद्धको चार खेलको टी ट्वान्टी श्रृखंला १–३ ले हारेको छ । जारी सिजनमा दक्षिण अफ्रिकाले छ अन्तर्राष्ट्रिय श्रृखंला खेलेकोमा एक मात्रै जित्न सकेको हो । बाउचरले पाकिस्तान बिरुद्धको श्रृखंला गुमाएपछि प्रतिक्रिया दिदै भन्नुभयो, “म पूर्ण जिम्मेवारी लिन्छु, मलाई दुख लागेको छ, हामीले थुप्रै विकल्पमाथि प्रयास गर्यौं, यद्दपी सफल भएनौं, उक्त प्रयास अझै निरन्तर हुनेछ ।”
दक्षिण अफ्रिकाले हालैको दिनमा टेष्ट क्रिकेट र सीमित ओभरको क्रिकेटका लागि छुट्टाछुट्टै कप्तान नियुक्त गरेको छ । यद्दपी उसले सफलता प्राप्त गर्न सकेको छैन् ।