श्रीलङ्काका दिनेश चन्दीमल भैरहवाका लागि खेल्ने

गोरखापत्र अनलाइन
काठमाडौं, साउन २९ गते । श्रीलङ्काली ब्याट्सम्यान दिनेश चन्दीमल एभरेष्ट प्रिमियर लिगमा खेल्ने हुनुभएको छ । उहाँ भैरहवा ग्लैडिएटर्समा आबद्ध हुनुभएको छ ।
एभरेष्ट प्रिमियर लिग र भैरहवा ग्लैडिएटर्सले दिनेश चन्दीमलसँग अनुबन्धन सम्झौता भएको जनाएको छ । चन्दीमलले समेत आफू सुन्दर राष्ट्र नेपाल पुगेर एभरेष्ट प्रिमियर लिग खेल्न उत्साहित रहेको प्रतिक्रिया दिनुभएको छ ।
चन्दीमलले ६२ टेष्ट खेलमा श्रीलङ्काको प्रतिनिधित्व गर्नुभएको छ । उहाँले १४९ अन्तर्राष्ट्रिय एकदिबसीय र ५७ अन्तर्राष्ट्रिय टी ट्वान्टीमा श्रीलङ्काका लागि खेल्नुभएको छ । सन् २०१४ मा श्रीलङ्काले बङ्गलादेशमा टी ट्वानटी विश्वकप जित्दा चन्दीमल टोलीका सदस्य हुनुहुन्थ्यो । उहाँले आठ पारीमा ४१ को औसतले २४६ रन बनाउनुभएको छ ।
सन् २०१२ मा चन्दीमललाई राजस्थान रोयलले सबैभन्दा सुरुमा परिचय गराएको थियो ।