सन्दीप लामिछाने बिग बैश लिगमा होबर्टमा आबद्ध

गोरखापत्र अलनाइन
काठमाडौं, भदौ १० गते । नेपाली लेग स्पिनर सन्दीप लामिछाने बिग बैश लिग(बीबीएल खेल्न होबर्ट हुरिकेन्समा आबद्ध हुनुभएको छ । बीबीएलको आगामी संस्करणका लागि होबर्टले उहाँसँग सम्झौता गरेको हो।
दुई संस्करणमा मेलबर्न स्टार्सका लागि खेल्नुभएका सन्दीपले गएको संस्करणमा होबर्टमा आबद्ध हुनुभएको थियो । बिग बैश लिगमा गत् जनवरी महिनामा उहाँले खेल्नुभएका आठ खेल नै सन् २०२१ को फ्रेञ्चाइज लिग एक मात्र सहभागिता रहन गयो । सन्दीप हाल आईसीसी विश्वकप लिग–२ खेल्न ओमानमा हुनुहुन्छ ।
होबर्ट हुरिकेनले विदेशी खेलाडीको रुपमा सन्दीपसँग मात्रै सम्झौता गरेको छ । बिग बैश लिगको आगामी संस्करण डिसेम्बर महिनादेखि सुरु हुँदैछ ।