क्रिकेट अष्ट्रेलियाले अफगानिस्तान खेलकूदमा महिला सहभागिता खोज्यो

गोरखापत्र अनलाइन
काठमाडौं, भदौ २४ गते । क्रिकेट अष्ट्रेलियाले अफगानिस्तान विरुद्धको टेष्ट म्याच रद्द गर्ने चेताबनी दिएको छ । नोभेम्बरमा अफगानिस्तान क्रिकेट टोलिले अष्ट्रेलिया विरुद्ध टेष्ट क्रिकेट खेल्ने तालिका रहेको छ ।
गत् बुधबार तालिबानले महिलाले क्रिकेट सहित कुनै पनि खेलकूदमा सहभागी नहुने संकेत गरेपछि अष्ट्रेलियाको यस प्रकारको चेतावनी दिएको छ । अष्ट्रेलियाको खेलकूद मन्त्री रिचर्ड कोलबेकले खेलकूदमा महिला सहभागितामा प्रतिबन्ध लगाइए होबर्टमा नोभेम्बर २७ देखि सुरु हुने टेष्ट खेल नहुने बताउनुभएको छ ।
क्रिकेट अष्ट्रेलियाले एक वक्तब्य जारी गर्दै क्रिकेट महिलालाई समर्थन नगरिएको अवस्थामा प्रस्ताबित अष्ट्रेलिया र अफगानिस्तान क्रिकेट टोलिबीचको टेष्ट खेल नहुने प्रष्ट्याएको छ । उसले तस्मानिया र अष्ट्रेलियाली सरकारलाई उक्त मुद्दामा सहयोग र समर्थन गरेकोमा धन्यवाद समेत दिएको छ ।