दक्षिण अफ्रिकाले टी ट्वान्टी विश्वकप खेल्ने टोलि घोषणा गर्यो

गोरखापत्र अनलाइन
काठमाडौं, भदौ २४ गते । दक्षिण अफ्रिकाले टी ट्वान्टी विश्वकप क्रिकेटका लागि १५ सदस्यीय टोलि घोषणा गरेको छ । टोलिको नेतृत्व टेम्बा बभुमाले गर्नुहुनेछ ।
क्रिकेट दक्षिण अफ्रिकाले बिहीबार घोषणा गरेको टोलिमा अलराउन्डर क्रिस मोरिस र ब्याट्सम्यान फाफ डु प्लेसिस अटाउन सक्नुभएन । स्पिनर ताहिर हुस्सैन समेत टोलिबाट बाहिरिनुभएको छ । जर्ज लिन्डे, एन्डाइल फेहलुक्वायो र लिज्जाद विलियम्स आरक्षित खेलाडीको रुपमा स्थान बनाउनुभएको छ । टोलिका अन्य सदस्यहरुमा केशव महाराज, क्विन्टन डे कक, जोर्न फरटयुन, रीजा हेनरिक्स, हेनरिक क्लास्सैन, एैडन मरक्राम, देविड मिलर, वेयान मडर, लुङ्गी एनगिडी, एनरिक नोर्जे, ड्वायन प्रिटोरियस, कगिसो रबाडा, तब्रैज सम्सी र रस्सी भान डर दुस्सैन हुनुहुन्छ ।