तामीम इकवाल भैरहवा ग्लैडिएटर्समा आबद्ध

गोरखापत्र अनलाइन
काठमाडौं, भदौ २७ गते । बङ्गलादेश क्रिकेट टोलिका ओपनर ब्याट्सम्यान तामीम इकवाल भैरहवा ग्लैडिएटर्समा आबद्ध हुनुभएको छ । आगामी साताको अन्त्यदेखि सुरु हुन लागेको एभरेष्ट प्रिमियर लिग खेल्न उहाँ भैरहवामा आबद्ध हुनुभएको छ ।
भैरहवा ग्लैडिएटर्सका अनुसार शनिबार तामीमसँग इपीएल खेल्न सम्झौता भएको हो । ३२ वर्षीय तामीमले बङ्गलादेशका लागि ६४ टेष्ट, २१९ अन्तर्राष्ट्रिय एकदिबसीय र ७८ अन्तर्राष्ट्रिय टी ट्वान्टी खेल्नुभएको छ । ७८ टी ट्वान्टीमा उहाँले ११६ को स्ट्राइक दरले एक हजार ७५८ रन बनाउनुभएको छ । उहाँले अन्तर्राष्ट्रिय टी ट्वान्टीमा एक शतक र सात अद्र्धशतक समेत लगाउनुभएको छ ।