वेष्टइन्डिजका हेमराज विराटनगरबाट इपीएल खेल्नुहुने

गोरखापत्र अनलाइन
काठमाडौं, भदौ २७ गते । वेष्टइन्डिजका अलराउन्डर हेमराज चन्द्रपौल बिराटनगर वरियर्समा आबद्ध हुनुभएको छ । एभरेष्ट प्रिमियर लिग खेल्न उहाँ विराटनगरमा आबद्ध हुनुभएको वरियर्सले जनाएको छ ।
वेष्टइन्डिजको घरेलु क्रिकेटमा गायनाको प्रतिनिधित्व गर्नुहुने हेमराजले छ अन्तर्राष्ट्रिय एकदिबसीय खेल्नुभएको छ । २८ वर्षीय हेमराजले क्यारेबियाली प्रिमियर लिगमा सेन्ट लुसिया स्टार्स, गायना अमेजन वरियर्सको प्रतिनिधित्व गर्नुभएको छ । उहाँले हालसम्म खेल्नुभएका छ एकदिवसीयमा ८२ रन बनाउनुभएको छ । बलिङगमा उहाँले खासै प्रभाब पार्न सक्नुभएको छैन् । ३१ घरेलु टी ट्वान्टीमध्ये ३० मा ब्याटिङ गर्ने अवसर पाउनुभएका उहाँले ६८२ रन बनाउनुभएको छ । १२२ को स्ट्राइकर दर रहेको उहाँले घरेलु टी ट्वान्टीमा एक शतक र दुई अर्धशतक लगाउनुभएको छ ।