ईपीएल टी–२० : काठमाडौंलाई हराउँदै चितवन विजयी

काठमाडौं, असोज १४ गते । चौंथो संस्करणको एभरेष्ट प्रिमियर लिग (ईपीएल) टी–२० क्रिकेटमा आज भएको पहिलो खेलमा चितवन टाइगर्स विजयी भएको छ । चितवनको यो दोस्रो जित हो ।
कीर्तिपुरस्थित त्रिवि क्रिकेट मैदानमा बिहीबार भएको पहिलो खेलमा काठमाडौं किङ्स–११ लाई ३ विकेटले हराउँदै चितवन विजयी भएको हो । काठमाडौंले दिएको १४२ रनको लक्ष्य चितवनले १८ ओभर ४ बलमा ७ विकेट गुमाएर पूरा गर्यो । टस हारेर पहिलो ब्याटिङ गरेको काठमाडौंले २० ओभरमा ८ विकेट गुमाएर १४१ रन बनाएको थियो ।