ईपीएल टी–२० : ललितपुर प्याट्रीयट्सको जित

काठमाडौं, असोज १५ गते । चौंथो संस्करणको एभरेष्ट प्रिमियर लिग (ईपीएल) टी–२० त्रिकेटमा ललितपुर प्याट्रीयट्स विजयी भएको छ । कीर्तिपुरस्थित त्रिवि क्रिकेट मैदानमा शुक्रबार भएको पहिलो खेलमा विराटनगर वारियर्सलाई ३७ रनले पराजित गर्दै ललितपुर विजयी भएको हो ।
ललितपुरले दिएको २२७ रनको लक्ष्यसहित जवाफी बयाटिङ गरेको विराटनगरले २० ओभरमा ८ विकेट गुमाएर १८९ रन मात्र बनाउन सकेको थियो । यस जितसँगै ललितपुरले चार खेलमा तीन अंक जोडेको छ । ललितपुर चौथो स्थानमा उक्लिएको छ भने विराटनगरको यो लगातार तेस्रो हार हो ।