आईसीसीको 'प्लेयर अफ द मन्थ'को मनोनयनमा दीपेन्द्र

काठमाडौं, फागुन २५ गते। नेपाली क्रिकेटर दीपेन्द्र सिंह ऐरी आईसीसीको प्लेयर अफ द मन्थको मनोनयनमा पर्नुभएको छ। पुरुषतर्फ फेब्रुअरी महिनाका लागि आईसीसीले सार्वजनिक गरेको मनोनयमा अलराउन्डर दीपेन्द्र पर्नुभएको हो।

उहाँसँगै पुरुषतर्फको मनोनयनमा यूएईका भृत्या अरविन्द र भारतका श्रेयस ऐयर पर्नुभएको छ।

ओमानमा भएको आईसीसी पुरुष टी–ट्वान्टी विश्वकप अन्तर्गत ग्लोबल छनोटमा दीपेन्द्रले अलराउन्ड प्रदर्शन गर्नुभएको थियो। ब्याटिङ र बलिङमा राम्रो खेल प्रदर्शन गर्नुभएका दीपेन्द्र मनोनयनमा पर्नुभएको हो।

प्रतियोगितामा दीपेन्द्रले ६ विकेट र १५९ रन बनाउनुभएको थियो। आईसीसीले प्लेयर अफ द मन्थको विजेताको घोषणा भोटिङको आधारमा गर्नेछ। आईसीसीको वेबसाइटमा गएर भोट गर्न सकिन्छ। यहाँ क्लिक गरेर दीपेन्द्रलाई भोट गर्न सकिन्छ

आईसीसीले विजेताको घोषणा हरेक महिनाको दोस्रो सोमबार आफ्नै च्यानलमार्फत गर्नेछ।