जाली जिन्दगी म्युजिक भिडियो बजारमा

गोरखापत्र अनलाइन
काठमडौं, पुस ७ गते । नृत्य र अभिनयमा पोख्त सुशील तामाङ्गद्वारा अभिनित तेस्रो म्युजिक भिडियो भर्खरै मात्र नेपाली साँगीतिक बजारमा सार्वजनिक भएको छ।
प्रख्यात गायक सनुप पौडेलको सुमधुर स्वरमा रहेको साे म्युजिक भिडियोमा सुशीलको दमदार अभिनय देख्न सकिन्छ । एउटा पागल प्रेमीको भूमिकामा सुशीलको अभिनय छ ।
सो म्युजिक भिडियोमा प्रकाश बिष्टको मन छुने भावुक शब्दलाई युवा पुस्ताका चर्चित संगीतकार शंकर थापा स्माइलले संगीतबद्ध गर्नुभएको छ ।
नवीनबाबु गुरुङको निर्देशन र छायांकनमा बनेको म्युजिक भिडियोमा सुशीलसंग नेपाली चलचित्र क्षेत्रकी चर्चित नायिका रंजित गुरुङले अभिनय गर्नुभएको छ ।