'आई मिस यु’ सार्वजनिक 

काठमाडौं, कात्तिक २४ गते । गीतकार राजश्री बस्न्यात श्रेष्ठले अल्पायुमै गुमाउनु परेका दुईजना छोरीको सम्झनामा लेखेको ‘आई मिस यु’ बोलको म्यूजिक भिडियो सार्वजनिक भएको छ।

वियाेगान्त शैलीकाे यस गीतमा नेपाल आइडल – ३ कि विजेता गायिका सज्जा चौलागाईंको सुमधुर स्वर रहेकाे छ ।

वरिष्ठ संगीतकार न्ह्यू बज्राचार्यले संगीत दिनुभएकाे यस गीतलाई गोपाल रसाइलीले संगीत संयोजन गर्नुभएकाे छ । स्वयम् गीतकार श्रेष्ठ फिचर्ड म्यूजिक भिडियोमा गरिमा शर्मा र श्रेया सिटौलाले छोरीहरुको भूमिका निभाउनुभएकाे छ । उत्तम हुमागाईंले छायांकन गरेको भिडियोलाई प्रविन श्रेष्ठले सम्पादन गर्नुभएकाे छ ।

मनिक लाल श्रेष्ठ निर्माता रहेको भिडियोलाई गीतकार श्रेष्ठको परिकल्पना र निर्देशनमा तयार पारिएको हो यस म्यूजिक भिडियो ‘राजश्री स्टोरिज’ मार्फत भिडियो सार्वजनिक गरिएको हो।