सुस्मिता छिट्टै ‘आर्य’को दोस्रो सिजनमा देखिने

नयाँ दिल्ली, मङ्सिर ४ गते । बलिउड अभिनेत्री सुस्मिता सेनले हालैको एक अन्तवार्तामा वेब सिरिज भएको ‘आर्य’को लागि अन्तर्राष्ट्रिय एमी अवार्डको मनोनयनमा आफ्नो प्रतिक्रिया दिनुभएको छ।

‘यो मेरो लागि राम्रो अनुभव हो किनभने यसले मेरो जीवनमा धेरै तहमा परिवर्तन ल्याएको छ’, उहाँले भन्नुभयो ।

सुस्मिता चाँडै आफ्नो सुपरहिट वेब सिरिजको दोस्रो सिजनमा देखिनु हुनेछन् । उहाँका फ्यानहरु यो सिजन हेर्न निकै उत्साहित छन् ।

सुस्मिताले आफू वास्तविक जीवनमा आर्यजस्तै भएको महसुस गरेको बताउनुभएको छ। उँहा भन्नुहुन्छ, ‘मैले धेरै चुनौतीपूर्ण वर्षहरू देखेकी छु । मैले यहाँसम्म पुग्न धेरै मेहनत गरेकी छु आर्य दर्शकमाझ धेरै लोकप्रिय बनेको छ ।’

सन् २०२० सुस्मिताका लागि निकै भाग्यशाली सावित भयो । उहाँले डिज्नी–हटस्टारको वेब सिरिज ‘आर्य’ बाट अभिनय जगतमा पुन पवेश गर्नुभएको हो। यो सिरिज डच सिरिज पेनोजाको हिन्दी रिमेक थियो, जसमा सुस्मिताको अभिनयको निकै प्रशंसा भएको थियो। छिट्टै यो सिरिजको दोस्रो सिजन पनि आउँदैछ ।

गत साता निर्माताले ‘आर्य २’ को टिजर सार्वजनिक गरेका थिए । तर ‘आर्य २’ को रिलिज मिति भने घोषणा हुन बाँकी छ।