सलमानको 'कोई तो आएगा' रिलिज

एजेन्सी । बलिउड अभिनेता सलमान खानको 'अन्तिम' को नयाँ गीत 'कोई तो आएगा' रिलिज भएको छ । सलमान खान र आयुष शर्मा यतिबेला आफ्नो आगामी फिल्म 'अन्तिमः द फाइनल ट्रुथ' लाई लिएर चर्चामा हुनुहुन्छ ।

गीतको भिडियो सलमान खानले पनि सामाजिक सञ्जालमा शेयर गर्नुभएको छ । भिडियो शेयर गर्दै लेख्नुभएको छ, 'द स्पिरिट अफ लास्ट। 'कोई तो आएगा' गीत रिलिज भयो।' यो गीतमा रवि बसरुरको संगीत रहेको छ । रविसँगै सब्बीर अहमदले गीत लेखेका हुन् ।

'कोई तो आएगा' अघि यस फिल्मका तीन गीत 'भाई का बर्थडे', 'विघ्नहर्ता' र 'चिंगारी' रिलिज भइसकेका छन् । महिमा मकवानाले महेश मांजरेकरको निर्देशनमा बनेको 'अन्तिम' बाट बलिउडमा डेब्यु गर्दैछिन् ।

फिल्म २६ नोभेम्बर २०२१ मा रिलिज हुनेछ।