'पिप्पा' रिलिज हुने तयारीमा

काठमाडौं, पुष १ गते । अभिनेता इशान खट्टरको ‘पिप्पा’ डिसेम्बर ९, २०२२ मा रिलिज हुने भएको छ । इशानले सामाजिक सञ्जालमा फिल्मको पोस्टर सेयर गर्दै यसको जानकारी दिनुभएको हो ।

पोस्टरको क्याप्सनमा इशानले लेख्नुभएको छ, ‘विजय दिवसको ५०औँ वर्षगाँठमा, १९७१ मा बंगलादेशको स्वतन्त्रताका लागि लडेका भारतीय सैनिकहरूको बहादुरीलाई हामी सलाम गर्छौं।'

राजा कृष्णले निर्देशन गर्नुभएको यस फिल्ममा इशानसँगै मृणाल ठाकुर, प्रियांशु पैन्युली र सोनी राजदान पनि मुख्य भूमिकामा छन् । फिल्म रोनी स्क्रूवाला र सिद्धार्थ रोय कपुरले निर्माण गर्नुभएको हो।