'नचिनेको मान्छे' सार्वजनिक
काठमाडौं, मङ्सिर ३ गते । एक युवा खेलाडी र आमाको कथा 'नचिनेको मान्छे' को म्यूजिक भिडियो सार्वजनिक भएको छ । सरिता गिरी र नारायण नेपाली अभिनित भिडियो शनिबार नारायण नेपाली युट्युबमार्फत सार्वजनिक गरिएको हो ।
गायक नारायण नेपालीको आवाज रहेको गीतमा पुरुस्वत्तम ढुङ्गेलको रचना तथा राजनराज सिवाकोटीको सङ्गीत संयोजन रहेको छ ।
भिडियोमा थिएटर क्वुइन सरिता गिरीको दमदार अभिनय देख्न सकिन्छ । साथै उहाँलाई अभिनयमा गायक नेपालीले साथ दिनुभएको छ, गायक नेपालीको यो डेब्यु म्युजिक भिडियो हो ।
पबन सुस्लिङको छायाङ्कन रहेको भिडियोको निर्देशन असिम खनालले गर्नुभएको छ । यस भिडियोको सम्पादन भने सिदान्त मगरले गर्नुभएको हो ।
यस्तै, भिडियोको निर्माणमा शिव बहादुर हुनुहुन्छ ।