'पुष्पा' : सबैभन्दा बढी कमाउने फिल्म

काठमाडौं, पुष ५ गते । साउथका सुपरस्टार अल्लु अर्जुन र रश्मिका मन्डन्ना अभिनीत फिल्म 'पुष्पा : द राइज' १७ डिसेम्बरमा रिलिज भएको थियो । फिल्मले फ्यान र समीक्षकबाट राम्रो प्रतिक्रिया पाइरहेको छ । याे फिल्म काेराेनापछिकै सबैभन्दा बढी व्यापार गर्ने फिल्म बनेकाे छ ।

यो फिल्मले रिलिजको दोस्रो दिन अर्थात शनिबार (हिन्दी भाषाको) बक्स अफिसमा करिब चार करोडको कलेक्सन गरेको छ । फिल्मले पहिलो दिन हिन्दीमा तीन करोड कमाएको थियो ।

फिल्मले दुई दिनमा अहिलेसम्म सात करोडको बक्स अफिस कलेक्सन गरेको छ । ट्रेड एनालिस्ट तरण आदर्शले सामाजिक सञ्जालमार्फत साे जानकारी दिनुभएको छ ।

रिपोर्टका अनुसार फिल्मले दुई दिनमै विश्वभर सय करोडको आँकडा पार गरेको छ । विश्वभर फिल्मले दुई दिनमा एक सय १६ करोड कमाएको छ ।

फिल्मले पहिलो दिन विश्वभर ७१ करोड कमाएको थियो । दोस्रो दिन ४५ करोड कमाएको हो । फिल्मले अमेरिकी बक्स अफिसमा ४१.३० मिलियन (लगभग १० करोड रुपिँया) कमाएको छ ।

फिल्मले अष्ट्रेलिया लगायत अन्य देशमा पनि राम्रो व्यापार गरिरहेको छ । 'पुष्पाः द राइज' सुकुमारले निर्देशन गर्नुभएको हो ।