'पुष्पा' को रेर्कड ब्रेक कमाई

काठमाडौं, पुष ५ गते । फिल्म 'पुष्पा' ले तीन दिनमा विश्वभर एक सय ७३ करोड कमाएको छ । फिल्मले विश्वभर राम्रो प्रतिक्रिया पाइरहेको छ ।

रिपोर्टका अनुसार फिल्मले तीन दिनमा विश्वभर एक सय ५० करोडको आँकडा पार गरिसकेको छ । फिल्मले तीन दिनमा अर्थात् पहिलो सप्ताहन्तमा एक सय ७३ करोड कमाएको छ ।

फिल्मले तेस्रो दिन (आइतबार) विश्वभर ५७ करोड कमाएको छ । यसअघि फिल्मले दोस्रो दिन (शनिबार) ४५ करोड र पहिलो दिन (शुक्रबार) ७१ करोड कमाएको थियो ।

योसँगै यो फिल्मको हिन्दी संस्करणले रिलिजको तेस्रो दिन बक्स अफिसमा पाँच करोडको कलेक्सन गरेको छ । फिल्मले पहिलो दिन हिन्दीमा तीन करोड र दोस्रो दिन चार करोड कमाएको थियो ।

यस अर्थमा फिल्मको हिन्दी संस्करणले तीन दिन र पहिलो सप्ताहन्तमा अहिलेसम्म कुल बक्स अफिस कलेक्सन १२ करोड रुपिँया गरेको छ ।