बलिउड अभिनेता जोन अब्राहमलाई कोरोना सङ्क्रमण

काठमाडौं, पुष १९ गते । बलिउड अभिनेता जोन अब्राहम र उहाँकी श्रीमती प्रिया रुञ्चललाई कोरोना सङ्क्रमण पुष्टि भएको छ । जोनले सामाजिक सञ्जालमार्फत आफूलाई कारोना पुष्टि भएको जानकारी दिनुभएको हो ।

उहाँले लेख्नुभएको छ, 'प्रिया र म दुवै कोभिड पोजिटिभ भएका छौं । हामी कसैको सम्पर्कमा नआउनका लागि होम क्वारेन्टाइनमा बसेका छौं । हामी दुबै जनाले खोप लगाइसक्यौं र हल्का मात्र लक्षणहरू देखिएका छन् । आफ्नो ख्याल राख्नुहोस्, स्वस्थ र सुरक्षित रहनुहोस् ।'