हलिउड अभिनेता जोस दुहामेल र औद्रा मारी विवाह गर्दै

काठमाडौं, पुस २९ गते । हलिउडको चर्चित फिल्म 'ट्रान्सफर्मर्स' का अभिनेता जोस दुहामेलले पूर्व मिस वर्ल्ड अमेरिका औद्रा मारीसँग इन्गेजमेन्ट गर्नुभएको छ । हालै सामाजिक सञ्जालमा तस्बिर सेयर गर्दै उहाँहरुले फ्यानलाई आफ्नो इन्गेजमेन्टको बारेमा बताउनुभएको हो ।

औद्राले तस्बिर सेयर गर्दै लेख्नुभएको छ, 'आज म खुसी छ, म तिमीलाई माया गर्छु जोश दुहामेल ।' औड्रासँग सम्बन्धमा आउनु अघि, जोशले गायक-अभिनेत्री फर्गीसँग विवाह गरेका थिए। दुबैको एक छोरा पनि छन् ।

दुई वर्षको सम्बन्धविच्छेदपछि २०१९ मा दुवैको सम्बन्धविच्छेद भयो । त्यसपछि सन् २०१९ मा नै जोश औड्रा मेरीसँग सम्बन्ध सुरु भयो ।

सन् २०१६ मा मिस वर्ल्ड अमेरिकाको ताज औड्रा मेरीले जित्नुभएको थियो ।