'सिन्धुलीगढी' लाई छायांकनको अनुमति
काठमाडौं, माघ ११ गते । लामो समयदेखिको खोज, अध्ययन तथा अनुसन्धानपछि ऐतिहासिक नेपाली फिल्म 'सिन्धुलीगढी' ले नेपाल चलचित्र विकास बोर्डबाट विधिवत रुपमा छायांकन अनुमति प्रमाणपत्र प्राप्त गरेको छ ।
सास इन्टरटेमेन्ट सिनेमाको ब्यानरमा सास अधिकारिले निर्माण गर्ने फिल्मको लेखन तथा निर्देशन विश्वमणि घिमिरेले गर्नुहुनेछ । फिल्ममा मुख्य कलाकारहरुको छनोटका लागि अडिसन भैरहेको छ ।
सिन्धुली, काभ्रे तथा काठमाडौंमा छायांकन गरिने यो फिल्मलाई दक्षिण भारतीय फिल्मका निर्देशक एसएस राजामौलीले सहयोग गर्ने बताइएको छ ।
फिल्मको सम्पूर्ण पोष्ट प्रोडक्सन मुम्बईमा गरिनेछ । यो फिल्म हिन्दी तथा अङ्ग्रेजी भाषामा समेत डब गरिएकाे जनाइएको छ ।