'मेजर' २७ मे मा रिलिज हुने

काठमाडौं, माघ २२ गते । अदिवी शेष अभिनित फिल्म 'मेजर'को नयाँ रिलिज मिति सार्वजनिक गरिएको छ । फिल्म अब २७ मे प्रदर्शन हुने भएको छ ।

ट्रेड एनालिस्ट तरण आदर्शले आफ्नो सामाजिक सञ्जाल अकाउन्टमार्फत सो जानकारी दिनुभएको हो । यसअघि 'मेजर'को रिलिज मिति फेब्रुअरी ११ तोकिएको थियो तर कोभिडका कारण प्रदर्शनमा आउन सकेको थिएन ।

यो फिल्म शहीद मेजर सन्दीप उन्नीकृष्णनको जीवनीमा आधारित छ । यसमा अदिवी शेष, साई मांजरेकर र प्रकाश राज मुख्य भूमिकामा देखिनेछन्।