हेमन्त र एलिनाको 'भन मेरो मालिक' सार्वजनिक

काठमाडौं, माघ २८ गते । सदाबहार चर्चित गायक हेमन्त शर्माको नयाँ गीत 'भन मेरो मालिक' सार्वजनिक भएको छ । गायक शर्माकै युट्युव च्यानलबाट गीत सार्वजनिक गरिएको हो ।

गीतमा गायक शर्मालाई युवा पुस्ताकी चर्चित गायिका एलिना चौहानले साथ दिनुभएको छ । यस्तै, गीतमा गायक शर्माकै शब्द र संगीत रहेको छ । भिडियोमा नरेश बीर सिंह र सविना उप्रेतीको जोडीलाई देख्न सकिन्छ ।

भिडियोको कोरियोग्राफी र निर्देशन दीपक सिंहले गर्नुभएको हो । भिडियोमा मिलन विश्वकर्माको सम्पादन रहेको छ ।