'किन शंका गर्छौ' गीतको युगल भर्सन सार्वजनिक

काठमाडौं, फागुन ६ गते । 'किन शंका गर्छौ' गीतको युगल भर्सन सार्वजनिक गरिएको छ । यो प्रमोद खरेलको स्वरमा ९ वर्षअघि सार्वजनिक भएको गीत हो । युगल भर्सनमा प्रमोद र मिलन नेवारको स्वर रहेको छ ।

गीतमा गायत्री थापाको शब्द र राजकुमार बगरले संगीत दिनुभएको छ । नयाँ भर्सनमा उदयराज पौडेलले एरेन्ज गर्नुभएको हो ।

पल शाह र पूजा शर्माको अभिनय रहेको गीतको भिडियोमा क्रान्ति केसीले निर्देशन तथा सम्पादन रहेको छ । भिडियोकी निर्माता गायत्री थापा हुन् भने भिडियोलाई उत्सव दाहालले खिच्नुभएको हो ।