'म यस्तो गीत गाउँछु २' को 'चुपचाप जिन्दगी' सार्वजनिक

काठमाडौ, फागुन ९ गते । चलचित्र 'म यस्तो गीत गाउँछु २' को नयाँ गीत सार्वजनिक गरिएको छ । यो चलचित्रको 'चुपचाप जिन्दगी' बोलको गीतको लिरिकल भिडियो सार्वजनिक गरिएको हो । फिल्म भने फागुन १३ गते रिलिज हुने निमार्ण टिमले जनाएको छ ।

गीतमा सुरेश लामा र अस्मिता अधिकारीको स्वर, अर्जुन पोखरेलको शब्द तथा संगीत छ ।

यस्तै, फिल्ममा सौरभ लामाको छायांकन, रामजी लामिछानेको कोरियोग्राफी, शिवम् अधिकारी र दिनेश न्यौपानेको पटकथा, सुदर्शन थापाको कथा, बनिष शाह र मिलन श्रेष्ठको सम्पादन रहेको छ ।

पूजा शर्मा र सुदर्शन थापा निर्माता रहेको यो चलचित्रमा जन्मजय साम्पाङ राई सहनिर्माताको रुपमा हुनुहुन्छ ।
चलचित्रलाई सुदर्शन थापाले निर्देशन गर्नुभएको हो ।