नेपाल भाषाको चलचित्र 'कर्म' प्रदर्शनमा

काठमाडौं, फागुन १६ गते । बौद्ध कथामा आधारित नेपाल भाषाको चलचित्र 'कर्म' गुण सिनेमा हल, ग्वार्काेमा प्रदर्शनमा आएको छ । रामकृष्ण खड्गीको पटकथा, सम्वाद तथा निर्देशन रहेको फिल्मलाई राजेन्द्र शाक्य (दिजेन्द्र) ले निर्माण गर्नुभएको हो ।

गुण समूहले निर्माण गरेको चलचित्रमा अभिनेता मदनकृष्ण श्रेष्ठ, कर्म शाक्य, आशिष्मा नकर्मी, नारायणदेवी प्रधान, यमन श्रेष्ठ, कृष्णभक्त महर्जन, लुनिभा तुलाधर, वत्स शाक्य, रजनी खड्गी, अन्नपूर्णेश्वरी श्रेष्ठ, रुमन जोशी, अजय श्रेष्ठ, सुशील शाक्य, राजु मानन्धर, पुरन सायमीलगायतले अभिनय देख्न सकिन्छ ।

लुःज सिंहले खिचेको 'कर्म' को सहनिर्माता दिप्रश शाक्य हुनुहुन्छ । रामकृष्ण, बालकृष्ण र राजु तुलाधरको संगीत रहेको चलचित्रको सम्पादन र पाश्र्व संगीत सृजना बालकृष्ण बंशीले गर्नुभएको हो ।