एएफसी महिला एशिया कप छनोट खेल असोज पहिलो साता हुने

गोरखापत्र अनलाइन
काठमाडौं, भदौ १ गते । नेपालको राष्ट्रिय महिला टोलीले २०२२ को एएफसी महिला एशिया कप छनोट अन्तर्गतको पहिलो खेलमा फिलिपिन्सको सामना गर्ने भएको छ । पहिलो खेलमा नेपालले फिलिपिन्ससँग असोज २ गते स्पर्धा गर्नेछ ।
अखिल नेपाल फुटबल सङ्घ(एन्फा)का अनुसार दोस्रो खेलमा नेपालले हङ्कङ्को सामना गर्नेछ । दोस्रो खेल असोज पाँच गते खेलाइनेछ । दुबै खेल उज्वेकिस्तानको तश्केन्तस्थित जार रङ्गशालामा खेलाइनेछ ।
तेस्रो खेलमा हङ्कङ् र फिलिपिन्सले असोज ८ गते स्पर्धा गर्नेछ । समूहमा विजेता हुने टोलीले सन् २०२२ मा भारतमा हुने एएफसी महिला एशिया कप फुटबलका लागि छनोट हुनेछ । एशिया कप फुटबल भने सन् २०२२ को जनवरी २० देखि फेब्रुअबरी छसम्म हुनेछ ।