साफ च्याम्पियनशीपको तालिकामा हेरफेर

गोरखापत्र अनलाइन
काठमाडौं, भदौ ५ गते । दक्षिण एशियाली फुटबल संघले साफको तालिकामा हेरफेर गरेको छ । साफको उद्घाटन खेल असोज १५ गते नै हुने भएको छ । यसअघि असोज १५ गतेबाट सुरु भई असोज ३१ गते फाइनल हुने निर्धारण गरिएको भएपनि फाइनल खेल अब असोज २७ गते नै खेलाइने भएको छ ।
उद्घाटन खेलमा नेपालले माल्दिभ्सको सामना गर्नेछ । पहिलो दिनकै खेलमा श्रीलङ्काले बङ्गलादेशको सामना गर्नेछ । यसअघि दोस्रो दिनको खेल असोज १८ गतेका लागि निर्धारित खेल अब भने असोज १७ गते हुने भएको छ । नेपालले १८ गते श्रीलङ्काको सामना गर्ने तय भएको थियो । तर अब उक्त खेल असोज १७ गते नै हुने भएको छ । नेपालले तेस्रो खेलमा बङ्गलादेशको सामना गर्नेछ । उक्त खेल असोज २५ गते खेलाइने भएको छ ।
फाइनल खेल असोज २७ गते हुनेछ । प्रतियोगिता अबधिभरि कुल ११ खेल हुनेछ ।