संकटालाई च्यासलको धक्का

काठमाडौँ, पुस १७ गते । शहिद स्मारक ‘ए’ डिभिजन लिगको उपाधि जित्ने लक्ष्य राखेको संकटा क्लबलाई रेलिगेसनको दबाबमा रहेको च्यासल युथ क्लबको धक्का लागेको छ । दशरथ रंगशालामा शनिबार भएको खेलमा संकटा च्यासलसँग गोलरहित बराबरीमा रोकिएको हो ।

च्यासलले संकटाविरुद्ध अनुभवी खेलाडी सन्तोष साहुखललाई उतारेको थियो । प्रतिस्पर्धात्मक खेलमा दुवै टोलीले गोलका लागि राम्रो अवसर बनाएपनि सदुपयोग गर्न सकेनन् । बराबरीसँगै संकटा सात खेलबाट १३ अंक बनाएको संकटा तेस्रो स्थानमा छ ।

च्यासलसँग अंक बाँडेका कारण संकटाले दोस्रो स्थानमा उक्लने मौका गुमायो । समान खेलबाट पाँच अंक बनाएको च्यासलले अझै रेलिगेसन छल्न सकेको छैन । च्यासल १३औँ स्थानमा छ । अन्तिममा रहेको फ्रेन्ड्सको तीन अंक छ । शीर्षस्थानमा हरेको मनाङको १६ अंक छ । दोस्रो स्थानमा रहेको मच्छिन्द्रको १४ अंक छ । मच्छिन्द्रले एक खेल कम खेलेको छ ।