रियल र बार्सिलोना कोपा डेल रेको प्रिक्वार्टरफाइलमा

काठमाडौँ, पुस २२ गते । स्पेनिस पावर हाउस रियल म्याड्रिड र बार्सिलोना स्पेनिस कोपा डेल रे फुटबलको प्रिक्वार्टरफाइनलमा प्रवेश गरेको छ । बुधबार राति भएको खेलमा रियलले दोस्रो श्रेणीको क्लब अल्कोयानोलाई उसैको मैदानमा ३–१ गेलले हरायो । बार्सिलोनाले तेस्रो श्रेणीको क्लब लिनारेस डिपोर्टिभालाई २–१ गोलले स्तब्ध बनायो ।

रियलको जितमा इडर मिलिसाओले ३९औँ र मार्काे असेन्सियोले ७६औँ मिनेटमा गोल गर्नुभयो । रियलले अर्को गोल अल्कोयानोबाट आत्मघाती उपहार पाएको थियो । घरेलु टोली अल्कोयानोका ड्यानी भेगाले ६६औँ मिनेटमा एक गोल फर्काउनुभयो ।

यसैगरी बार्सिलोनाको जितमा औसमाने डेम्बेले ६३औँ र फेरान जुट्ग्लाले ६९औँ मिनेटमा गोल गर्नुभयो । लिनारेसका ह्युगो डियाजले १९औँ मिनेटमा गर्नुभएको सुरुवाती गोल सान्त्वना गोलमा परिणत भएको थियो । एजेन्सी