संकटा र सातदोवाटोको बराबरी

काठमाडौँ, पुस २३ गते । संकटा क्लब र सातदोवाटो युथ क्लब कतार एयरवेज शहिद स्मारक ‘ए’ डिभिजन लिग फुटबलमा बराबरी खेल्दै अंक बाँडेका छन् । दशरथ रंगशालामा शुक्रबार भएको खेलमा १–१ गोलको बराबरी खेल्दै अंक बाँडेका छन् ।

प्रतिस्पर्धात्मक खेलमा सातदोवाटोका शुसिल राईले गोल गर्नुभयो । संकटाका जया गुरुङले बराबरी गोल फर्काउनुभयो । शुसिलले २२औँ मिनेटमा निरज बस्नेतको पासमा गोल गर्नुभएको थियो ।
१० मिनेटपछि पछि जय गुरुङले दिपेश आलेमगरको पासमा गोल गर्दै खेललाई बराबरीमा ल्याउनुभयो ।

दोस्रो हाफमा दुवै टोलीले थप गोल गर्न नसक्दा खेल बराबरीमा सकियो । जितसँगै संकटाले आठ खेलबाट १४ अंक बनाएको छ । संकटा तेस्रो स्थानमा यथावत छ । नौँ अंक बनाएको सातदोवाटो आठौँ स्थानमा छ । संकटाका जया गुरुङ ‘प्लेयर अफ दि म्याच’ हुनुभयो । उहाँले १० हजार रुपियाँ पुरस्कार प्राप्त गर्नुभयो । सातदोवाटोका आकाश बुढामगर ‘इमर्जिङ प्लेयर’ चुनिनुभयो । उहाँले पाँच हजार रुपियाँ पुरस्कार पाउनुभयो ।