मिलान डर्बीमा एसी मिलानको बाजी

काठमाडौँ, माघ २३ गते । इटालियन सिरि ‘ए’ फुटबलको प्रतिष्ठित भिडन्त मिलान डर्बीमा एसी मिलानले बाजी मारेबो छ । शनिबार राति भएको खेलमा एसी मिलानले इन्टर मिलानलाई २–१ गोलले हरायो । इन्टरको घरेलु मैदानमा १० खेलाडीमा समेटिएको एसी मिलानले पुनरागमन जित निकालेको हो ।

एसी मिलानको जितमा दुवै गोल ओलिभर गिरोडले गर्नुभयो । इन्टरका इभान पेरिसिकको सुरुवाती गोल सान्त्वना बन्यो । प्रतिस्पर्धात्मक खेलमा इन्टरले सुरुवाती अग्रता लिएको थियो । ३८औँ मिनेटमा इभान पेरिसिकले हकान चलहानोग्लुको कर्नर पासमा गोल गर्नुभएको थियो । तर दोस्रो हाफमा इन्टरले अग्रता जोगाउन सकेन ।

७५औँ मिनेटमा गिरोडले गोल गर्दै खेललाई बराबरीमा ल्याउनुभयो । ७८औँ मिनेटमा रिगोडले डाभिड कालाव्रियाको पासमा ब्यक्तिगत दोस्रो गोल गर्दै एसी मिलानलाई जिताउनुभयो । इन्जुरी समयमा थियो हर्नान्डेज रातो कार्ड पाउँदै बाहिरिएपछि एसी मिलानले १० खेलाडीमा खेल सकेको थियो । हारे पनि इन्टर शीर्षस्थानमा छ । इन्टरको २३ खेलबाट ५३ अङ्क पुगेको छ । एक खेल बढी खेलेको विजेता एसी मिलान ५२ अङ्कसहित दोस्रो स्थानमा छ । एजेन्सी