इन्टर कोपा इटालियाको सेमिफाइनलमा

काठमाडौँ, माघ २६ गते । इन्टर मिलान कोपा इटालिया फुटबलको सेमिफाइनलमा प्रवेश गरेको छ । घरेलु मैदानमा मंगलबार राति भएको खेलमा इन्टरले सिरी ‘ए’ प्रतिद्वन्द्वी एस रोमालाई २–० गोलले हरायो ।

इन्टरको जितमा इडेन जेको र एलेक्सिस सान्चेजले गोल गर्नुभयो । दोस्रो मिनेटमै जेकोले इभान पेरिसिसको पासमा गोल गर्दै इन्टरलाई अग्रता दिलाउनुभयो । ६८औँ मिनेटमा सान्चेजले माटियो डरमिएनको पासमा गोल गर्दै इन्टरलाई जिताउनुभयो ।

रोमाको गोल फर्काउने प्रयास सफल भएन । सेमिफाइनलमा इन्टरले एसी मिलान र लाजियोबीचको विजेतासँग प्रतिस्पर्धा गर्नेछ । एजेन्सी