एसी मिलान सेमिफाइनलमा

काठमाडौँ, माघ २७ गते । एसी मिलान कोपा कोपा इटालिया फुटबलको सेमिफाइनलमा प्रवेश गरेको छ । घरेलु मैदानमा बुधबार राति भएको खेलमा एसी मिलानने सिरी ‘ए’ प्रतिद्धन्द्धी लाजियोलाई ४–० गोलले हरायो ।

एकपक्षीय खेलमा मिलानलाई जिताउन ओलिभर गिरोडले दुई तथा राफयल लियो र फ्रान्क केस्सीले एक एक गोल गर्नुभयो । पहिलो हाफमा तीन गोल गरेको मिलानका लागि २४औँ मिनेटमा राफयल लियोले गोलको खाता खोल्नुभयो । ४१औँ मिनेटमा ओलिभर गिरोडले राफयल लियोको पासमा गोल गर्दै मिलानको अग्रता दोब्बर बनाउनुभयो ।

पहिलो हाफको इन्जुरी समयमा गिरोडले ब्यक्तिगत दोस्रो गोल गर्दै मिलानको अग्रता थप बलियो बनाउनुभयो । ७९औँ मिनेटमा फ्रान्क केस्सीले माल्दिनीको फ्रिकिक पासमा गोल गर्दै मिलानलाई फराकिलो जित दिलाउनुभयो । खेलभर मिलानको दबाब झेलेको लाजियोको गोल फर्काउने प्रयास सफल भएन । सेमिफाइनलमा एसी मिलानले इन्टर मिलानसँग प्रतिस्पर्धा गर्नेछ । एजेन्सी