चेल्सी क्लब विश्वकपको फाइनलमा

काठमाडौँ, माघ २७ गते । इङ्लिस प्रिमियर लिग क्लब चेल्सी क्लब विश्वकप फुटबलको फाइनलमा प्रवेश गरेको छ । आबुधावीमा बुधबार राति भएको खेलमा चेल्सीले साउदी अरेबियाको क्लब हिलाललाई १–० गोलले हराउँदै फाइनलमा स्थान बनाएको हो ।

चेल्सीको जितमा बेल्जियन स्टार रोमेलु लुकाकुले निर्णायक गोल गर्नुभयो । लुकाकुले ३२औँ मिनेटमा काई हाभर्टजको पासमा गरेको गोल निर्णायक बनेको थियो । घरेलु टोली हिलालले गोल गर्ने राम्रा अवसर गुमाउँदा हार खेप्यो ।

फाइनलमा चेल्सीले शनिबार ब्राजेली क्लब पाल्मेइरससँग प्रतिस्पर्धा गर्नेछ । पाल्मेइरसले यसअघि इजिप्टको अल अहेलीलाई २–० गोलले हराउँदै फाइनलमा स्थान बनाएको हो । एजेन्सी