थप नाै सय ७६ जना सङ्क्रमित, एक हजार ५३४ निकाे, २० को मृत्यु

गोरखापत्र अनलाइन
काठमाडौं, भदौ २० गते । नेपालमा कोरोनाभाइरसका नाै सय ७६ जना सङ्क्रमित थपिएका छन् । गएको चौबीस घण्टामा आरटीपीसीआर परीक्षण गरिएकोमा एक हजार २४ जनामा सङ्क्रमणको पुष्टि भएको हो ।

स्वास्थ्य तथा जनसंख्या मन्त्रालयका अनुसार गएको चौबीस घण्टामा थपिएका सङ्क्रमितसँगै नेपालमा कोरोनाका कुल सङ्क्रमित सात लाख ६९ हजार २७१ पुगेको छ । नेपालमा कोरोना सङ्क्रमणमुक्त हुने दर ९४.५३ प्रतिशत  छ । मन्त्रालयले गएको चौबीस घण्टामा एक हजार ५३४ जना कोरोनामुक्त भएको जनाएको छ । हालसम्म सात लाख २७ हजार १८५ जना कोरोनामुक्त भएका छन् ।

गएको चौबीस घण्टामा २० जना सङ्क्रमितको मृत्यु भएको छ । हालसम्म दश हजार ८३८ जना सङ्क्रमितले ज्यान गुमाएका छन् । मन्त्रालयले हाल नेपालमा ३१ हजार २४८ जना सक्रिय सङ्क्रमित रहेको उल्लेख गरेको छ । नेपालमा २६६ जना क्वारेन्टिनमा छन् ।