विश्वमा कोरोना भाइरस सङ्क्रमितको सङ्ख्या दुई करोड ४९ लाख नाघ्यो

जेनेभा, स्वीट्जरल्याण्ड, भदौ १३ गते।
विश्वमा दुई करोड ४९ लाख २८ हजार ७८१ जना कोरोना भाइरसबाट सङ्क्रमित भएको विश्व स्वास्थ्य संगठन ९डब्लुएचओ० ले जनाएको छ ।
संगठनकाअनुसार शनिबारसम्म विश्वभरी कोरोना भाइरस सङ्क्रमणबाट आठ लाख ४१ हजार ६८१ जना को मृत्यु भएको छ । सङ्क्रमित मध्ये हालसम्म एक करोड ७३ लाख १० हजार ३७२ व्यक्ति कोरोना मुक्त भएका छन् ।

विश्वभरमा ६७ लाख ७६ हजार ७२० व्यक्ति कोरोना भाइरस सङ्क्रमित रहेका उनीहरुको उपचार भइरहेको छ । सङ्क्रमितहरु मध्ये ६१ हजार १८६ जनाको अवस्था गम्भीर रहेको जनाएको छ । कोरोना भाइरसबाट अन्त्यत प्रभावित दश ओटा देशहरुको डब्लुएचओद्वारा प्रकाशित तथ्याङ्क यी रहेका छन् ।

अमेरिकामा ६० लाख ९६ हजार ७५६ जनामा कोरोना भाइरसका सङ्क्रमित रहेका छन् । यस प्रकोपका कारण अमेरिकामा एक लाख ८५ हजार ९६५ व्यक्तिको मृत्यु भइसकेको बताइएको छ ।

ब्राजिलमा ३८ लाख १२ हजार ६०५ जना कोरोना भाइरस सङ्क्रमति रहेका छन् । एक लाख १९ हजार ५९४ जनाको मृत्यु भएको छ । भारतमा ३४ लाख ६८ हजार २७२ जना कोरोना भाइरस सङ्क्रमित रहेका छन् । यहाँ ६२ हजार ७५० जनाको मृत्यु भएको छ ।

रुसमा ३३ लाख ८५ हजार ३४६ जना कोरोना भाइरस सङ्क्रमित रहेका छन् भने १७ हजार २५ जनाको मृत्यु भएको छ । पेरुमा ६ लाख २९ हजार ९६१ जनामा कोरोना भाइरस सङ्क्रमण रहेको छ भने २८ हजार ४७१ जनाको मृत्यु भएको छ ।

दक्षिण अफ्रिकामा ६ लाख २० हजार १३२ जनामा कोरोना भाइरस सङ्क्रमण रहेको छ भने १३ हजार ७४३ जनाको मृत्यु भएको छ । कोलम्बियामा पाँच लाख ९० हजार ५२० जनामा कोरोना भाइरस सङ्क्रमण रहेको छ भने १८ हजार ७६७ जनाको मृत्यु भएको छ ।

मेक्सिकोमा पाँच लाख ८५ हजार ७३८ जनामा कोरोना भाइरस सङ्क्रमण रहेको छ भने ६३ हजार १४६ जनाको मृत्यु भएको छ । स्पेनमा चार लाख ५५ हजार ६२१ जनामा कोरोना भाइरस सङ्क्रमण रहेको छ भने २९ हजार ११ जनाको मृत्यु भएको छ ।

चिलीमा चार लाख ५ हजार ९७२ जनामा कोरोना भाइरस सङ्क्रमण रहेको छ भने ११ हजार १३२ जनाको मृत्यु भएको छ ।