दक्षिणी घानामा सडक दुर्घटनामा दश जनाको मृत्यु

गोरखापत्र अनलाइन
काठमाडौं, भदौ ७ गते । दक्षिणी घानामा आइतबार सडक दुर्घटनामा कम्तीमा १० जनाको मृत्यु भएको छ । विन्नेबा नगरका अधिकारी हेनरी असिडुले दुर्घटनामा दश जनाको मृत्यु र दर्जनौं घाइते भएको बताउनुभएको छ ।
समाचार संस्था एएनआइका अनुसार अक्करा केप तटीय राजमार्गको गोमाओ माम्पोङ विपरीत दिशाबाट आएको एक बसले अर्कोलाई ठक्कर दिँदा दुर्घटना हुन पुगेको हो । दुर्घटनामा घाइते भएका दर्जनौं ब्यक्तिको विन्नेबा ट्रमा र विशेष अस्पतालमा उपचारका लागि भर्ना गरिएको छ । दुर्घटनाको कारणबारे अनुसन्धान भइरहेको बताइएको छ ।