जाकार्ताको कारागारमा ४० कैदीको मृत्यु

गोरखापत्र अनलाइन
काठमाडौं, भदौ २३ गते । इन्डोनेसियाको जाकार्ता नजिकैको एक कारागारमा भीषण आगलागीमा कम्तीमा ४० जना कैदीको मृत्यु भएको छ । बुधबार बिहान उक्त घटना भएको समाचार संस्था एएनआईले जनाएको छ ।
कानुन तथा मानव अधिकार मन्त्रालयका एक जना प्रवक्ताका अनुसार जाकार्ता नजिकैको टाङगेराङ पेनिटेनरीमा आगलागि भएको हो । क्योदो समाचारले शहरभन्दा केही पर मात्रै रहेको घटनास्थलबाट ४० जनाको शव बरामद गरिएको छ । उक्त घटनामा कम्तीमा नौ जना गम्भीर घाइते भएका छन् । घाइते अन्य ३१ जनाको अवस्था सामान्य छ ।