ट्विटरको सीईओमा अग्रवाल नियुक्त
काठमाडौं, मङ्सिर १४ गते । ट्विटरको सीईओमा भारतीय मूलका पराग अग्रवाल नियुक्त हुनुभएको छ । ३७ वर्षीय अग्रवाल कम्प्युटर वैज्ञानिक हुनुहुन्छ ।
आइआइटी मुम्बईबाट कम्प्युटर इन्जिनियरिङमा स्नातक गरेका अग्रवालले अमेरिकाको क्यालिफोर्नियास्थित स्टानफोर्ड युनिभसिर्टीबाट उच्च शिक्षा हासिल गर्नुभएको थियो ।
टेस्लाका सीईओ एलोन मस्कले पनि उहाँको प्रशंसा गर्नुभएको छ ।
यस्तै, स्ट्राइपका सीईओ र सह–संस्थापक प्याट्रिक कोलिसनले भारतीय प्रतिभाबाट अमेरिकालाई धेरै फाइदा हुने बताउनुभएको भारतिय सञ्चारमाध्यमले उल्लेख गरेको छ ।