होन्डुरसमा पहिलो महिला राष्ट्रपति

तेगुसिगला, पुस ६ गते । होन्डुरसमा नयाँ राष्ट्रपति निर्वाचित हुनुभएको छ । यहाँको निर्वाचन आयोगले सोमबार सियोमरा क्यास्ट्रो नयाँ राष्ट्रपति निर्वाचित हुनुभएको जनाएको हो । होन्डुरसको लिबर्टी एण्ड रिफाउन्डेसन पार्टीका नेता सियोमरा नयाँ राष्ट्रपति निर्वाचित हुनुभएको घोषणा निर्वाचन आयोगले सोमबार गरेको हो ।

यहाँ अघिल्लो महिना नयाँ राष्ट्रपतिका लागि निर्वाचन भएको थियो । तर ढिला गरी सोमबार मात्र उहाँलाई घोषणा गरिएको छ । सो घोषणामा उहाँको कार्यकाल आगामी जनवरी २७ देखि सुरु हुने र सन् २०२६ को जनवरी २७ सम्म हुने घोषणा पनि गरेको छ ।

उहाँले यहाँको निर्वाचनमा १७ लाखभन्दा बढी अर्थात् ५१.१२ मत प्राप्त गर्नुभएको थियो । उहाँ होन्डुरसका पूर्व राष्ट्रपति म्यानुअल जिलयाको श्रीमती हुनुहुन्छ । उहाँ होन्डेरसको पहिलो महिला राष्ट्रपति हुनुहुनेछ ।