संयुक्त राष्ट्रसङ्घीय प्रमुखद्वारा सङ्क्रामक रोगहरू रोक्न विश्वव्यापी एकताको आह्वान

संयुक्त राष्ट्रसङ्घ, पुस १३ गते । संयुक्त राष्ट्रसङ्घका महासचिव एन्टोनियो गुटेर्रेसले सोमबार सङ्क्रामक रोगहरू रोक्न विश्वव्यापी एकताको लागि आह्वान गर्नुभएको छ । डिसेम्बर २७ मा पर्ने अन्तर्राष्ट्रिय महामारी दिवसको अवसरमाा गुटर्रेसले दिनुभएको भिडियो सन्देशमा विश्वव्यापी एकता निर्माणले हरेक देशलाई आफ्नो ट्र्याकमा सङ्क्रामक रोगहरू रोक्न लड्ने मौका दिने बताउनुभएको छ ।

कोभिड १९ ले सङ्क्रामक रोगले संसारभरि कत्तिको चाँडो फैलाउन सक्छ, स्वास्थ्य प्रणालीलाई कसरी छेउमा धकेल्छ र सम्पूर्ण मानवताको दैनिक जीवनलाई प्रभावित पार्छ भन्ने देखाएको संयुक्त राष्ट्रसङ्घका प्रमुखले बताउनुभएको छ । हालसालैका सार्स, एभियन इन्फ्लुएन्जा, जिका, इबोला र अन्य जस्ता स्वास्थ्यका आपतकालीन पाठहरु सिक्न नसकेको हाम्रो असफलता पनि प्रकट गरेको महासचिवले बताउनुभएको छ ।

सङ्क्रामक रोगहरु हरेक देशका लागि वर्तमान खतरा रहेको उल्लेख गर्दै गुटर्रेसले कोभिड–१९ मानवताका लागि अन्तिम महामारी नहुने बताउनुभएको छ । विश्वले यस स्वास्थ्य सङ्कटलाई प्रतिक्रिया दिँदा पनि, अर्कोको लागि तयारी गर्नुपर्ने आवश्यकता उहाँले औंल्याउनुभएको छ ।