जनताको जीवनरक्षा पहिलो प्राथमिकतामा : प्रधानमन्त्री
काठमाडौं, वैशाख २७ गते । प्रधानमन्त्री केपी शर्मा ओलीले विश्वव्यापीरुपमा फैलिएको कोरोना महामारीमा जनताको जीवन रक्षा पहिलो प्राथमिकता रहेको बताउनुभयो । सोमबार दिउँसो दोस्रो पटक बसेको प्रतिनिधिसभाको बैठकमा बोल्नुहुँदै उहाँले यस्तो विषम परिस्थितीमा कोभिडविरुद्धको औषधि लगायत उपचारका सामाग्रीहरुमा भएको भ्रष्टाचारको काम क्षम्य नहुने बताउनुभयो ।
प्रधानमन्त्री केपी शर्मा ओलीले प्रधानमन्त्री र सरकारमाथि हिल्लो छ्याप्ने कार्य भएको बताउनुभएको छ । उहाँले कोभिडविरुद्धको लडाइमा रहेको केला प्रधानमन्त्री र सरकारमाथि हिल्लो छ्याप्ने कार्य भएको बताउनुभएको छ । ‘मलाई अच्चम लाग्छ, हामी कोभिडविरुद्धको लडाइमा छौं । तर, कतिपय पक्षमा र कर्नरमा प्रधानमन्त्री र सरकारमाथि हिल्लो छ्याप्ने, कोभिडविरुद्धको औषधि खरिदमा भएका भ्रष्टाचारको नाममा कुरा उछाल्ने, हुँदै नभएका कनेक्सन अनुचित ढंगले खेदाउने खालका क्रियाकलाप भएको छ,’ प्रधानमन्त्रीले भन्नुभयो ।
साथै उहाँले हाम्रा चिन्तन, प्रयास, ध्यान र प्रयास जे कुरामा केन्द्रित हुनुपर्ने थियो त्यसमा केन्द्रित हुन नसकेको बताउनुभयो ।
‘सरकार आफ्ना ध्यान कोभिड–१९ विरुद्धको लडाइमा केन्द्रित गर्न चाहेको थियो । विकासका प्रश्नहरुमा केन्द्रित गर्न चाहेको थियो । सामाजिक जनजीवनमा बढी क्षति र खलबलाहट हुन नपाओस्, अर्थतन्त्रमा प्रतिकुल असर न्यून गर्न सकियोस् यस कुरामा सरकार लाग्यो,’ प्रधानमन्त्री आलीले भन्नुभयो, ‘तर, सरकारले अनेक अप्ठ्यारा सामना गर्नुपर्यो ।’
प्रम ओलीले वर्तमान सरकारले राष्ट्रियता, सार्वभौमसत्ता र उपलब्धिका पक्षमा अहिलेसम्मकै व्यवहारिकरुपमा सुदृढ काम गरेको दाबी गर्नुभएको छ । उहाँले यस्तो सरकारलाई विश्वासको मत नदिनुको अर्थ के हुन्छ, भन्दै प्रधानमन्त्री ओलीले औचित्यको आवश्यकताका आधारमा विधिन्न विधान र कानुनका मस्यौदाहरु पनि परिवर्तन गर्न सकिने बताउनुहुँदै संविधान अपरिवर्तनीय दस्तावेज नभएको पनि बताउनुभयो ।
दशकौंदेखिको हिंसाको राजनीतिले आममानसमा त्रास र भय पैदा गर्दै आएकोमा आगामी दिनमा शान्तीपूर्ण राजनीतिक गतिविधिमा जोड दिइनुपर्ने उहाँको धारणा छ । यससँगै उहाँले वर्तमान सरकारलाई समर्थन वा विश्वसाको मत नदिनुपर्ने कारण नभएको समेत प्रष्ट पार्नुभएको छ ।