प्रतिनिधिसभा भङ्ग गरी कात्तिक २६ र मङ्सिर ३ गते निर्वाचन गर्न सिफारिस

गोरखापत्र अनलाइन
कठमाडौ, जेठ ८ गते । मन्त्रिपरिषद्को बैठकले प्रतिनिधिसभा भंग गरी मध्यावधि निर्वाचनको मिति घोषणा गर्न सिफारिस गरेको छ ।
राष्ट्रपति विद्यादेवी भण्डारीले प्रधानमन्त्री पदका लागि केपी शर्मा ओली र शेरबहादुर देउवाले पेश गर्नु भएको दावी अस्वीकार गरे पछि मन्त्रिपरिषद्ले सो निर्णय गरेको हो ।
आगामी कातिक २६ गते पहिलो चरण र मङ्सिर ३ गते दोस्रो चरणका निर्वचनको मिति सिफारिस गरिएको सरकारका प्रवक्ता तथा सञ्चार तथा सूचना प्रविधि मन्त्री पार्वत गुरुङ्ले जानकारी गराउनुभयो ।