मुस्लिमतर्फ सहमहामन्त्रीमा फरमुल्लाह मन्सुर निर्वाचित
काठमाडौं, पुस २ गते । नेपाली काँग्रेसको सहमहामन्त्रीमा मुस्लिमतर्फ फरमुल्लाह मन्सुर निर्वाचित हुनुभएको छ ।
काँग्रेस केन्द्रीय निर्वाचन समितिका सचिव अधिवक्ता केशव रिजालले सहमहामन्त्रीमा मुस्लिमतर्फ मन्सुर निर्वाचित भएको जानकारी दिनुभयो । यद्यपी, औपचारिक घोषणा हुन भने बाँकी रहेको सचिव रिजालले बताउनुभयो ।
शुक्रबार बिहान काँग्रेसको केन्द्रीय पार्टी कार्यालयमा सानेपामा जारी मतगणनामा शेख वकिललाई पराजित गर्दै फरमुल्लाह निर्वाचित हुनभएको हो ।
सानेपामा आज मुस्लिम, मधेशी, खस, थारु र पिछडिएका क्षेत्रबाट सहमहामन्त्री पदको मतगणना भएको हो ।
यसअघि बिहीबार सहमहामन्त्रीमा महिला खुलातर्फ डिना (महालक्ष्मी) उपाध्याय, दलिततर्फ जीवन परियार र आदिवासी जनजातीतर्फ भीष्मराज आङ्देम्बे निर्वाचित भइसक्नुभएको थियो ।